दिनविशेष - २३ फेब्रुवारी २०१७

तिथी	माघ कृष्ण १२ (२१:१९)
वार	गुरुवार
नक्षत्र	उत्तराषाढा (३०:३०)
योग	व्यतीपात (२२:०३)
करण	कौलव (८:५४)

तिलद्वादशी

माघ कृष्ण द्वादशीला श्रवण नक्षत्र असल्यास तिला तिलद्वादशी म्हणतात. या दिवशी तिलाचा कल्क करून स्नान, तिळाचा होम, तिळामिश्रित मिष्टान्नाचा नैवेद्य, तिळाच्या तेलाचे दिवे, तिळामिश्रित जलदान, तिलदान व वासुदेवाची पूजा करतात.

फल - इच्छित फलप्राप्ती.

द्वादशी श्राद्ध

अपराण्ह काळी द्वादशी तिथी असल्यामुळे, ज्यांची श्राद्ध तिथी माघ कृष्ण १२ आहे त्यांचे आजच्या दिवशी श्राद्ध करावे.

श्राद्धकृत्यांमध्ये अपराण्ह काळाचे महत्व आहे. श्राध्दतिथि अपराण्हकाळी म्हणजे सामान्यतः दुपारी दीड ते चार ह्या काळात ज्या दिवशी जास्त मानाने असेल त्या दिवशी सकाळी श्राध्दतिथि नसताना सुध्दा सकाळपासून दुपारी तीन वाजेपर्यंत कोणत्याही वेळी श्राध्दकर्म करता येते.

सुर्योदयापासून ३ मुहूर्त प्रत:काळ, त्यानंतर ३ मुहूर्त संगव काळ, त्यानंतर ३ मुहूर्त मध्यान्ह काळ, त्यानंतर ३ मुहूर्त अपराण्ह काळ व नंतरचे ३ मुहूर्त सायंकाळ असतो. अशा रीतीने दिवसाच्या १५ मुहूर्तांचे पाच विभाग केले आहेत. या पैकी सायंकाळ बहुदा सर्व कामांना प्रशस्त नाही. तर श्राद्ध कर्मासाठी अपराण्हकाळ प्रशस्त मानवा.

संदर्भ :
दाते पंचांग
सुलभ ज्योतिष शास्त्र
इंटरनेट