दिनविशेष - ५ फेब्रुवारी २०१७

तिथी	माघ शुक्ल ९ (१८:३०)
वार	रविवार
नक्षत्र	कृत्तिका (१७:०७)
योग	ब्रह्मा (१८:००)
करण	बालव (७:३९), तैतिल (२९:२१)

महानंदा नवमी व्रत

एक तिथिव्रत. माघ शुक्ल नवमीला महानंदा असे म्हणतात. व्रतावधी एक वर्ष. दुर्गा ही या व्रताची देवता. वर्षाचे तीन भाग करून प्रत्येक भागात देवीची पूजा निरनिराळ्या नावांनी, निरनिराळ्या फुलांनी, निरनिराळ्या नैवेद्यांनी करतात.

फल - इच्छापूर्ती व ब्रह्मलोकप्राप्ती.

रवि धनिष्ठा नक्षत्रात प्रवेश

३०:३२ ला रवि धनिष्ठा नक्षत्रात प्रवेश करीत आहे.

नवमी श्राद्ध

अपराण्ह काळी नवमी तिथी असल्यामुळे, ज्यांची श्राद्ध तिथी माघ शुक्ल ९ आहे त्यांचे आजच्या दिवशी श्राद्ध करावे.

श्राद्धकृत्यांमध्ये अपराण्ह काळाचे महत्व आहे. श्राध्दतिथि अपराण्हकाळी म्हणजे सामान्यतः दुपारी दीड ते चार ह्या काळात ज्या दिवशी जास्त मानाने असेल त्या दिवशी सकाळी श्राध्दतिथि नसताना सुध्दा सकाळपासून दुपारी तीन वाजेपर्यंत कोणत्याही वेळी श्राध्दकर्म करता येते.

सुर्योदयापासून ३ मुहूर्त प्रत:काळ, त्यानंतर ३ मुहूर्त संगव काळ, त्यानंतर ३ मुहूर्त मध्यान्ह काळ, त्यानंतर ३ मुहूर्त अपराण्ह काळ व नंतरचे ३ मुहूर्त सायंकाळ असतो. अशा रीतीने दिवसाच्या १५ मुहूर्तांचे पाच विभाग केले आहेत. या पैकी सायंकाळ बहुदा सर्व कामांना प्रशस्त नाही. तर श्राद्ध कर्मासाठी अपराण्हकाळ प्रशस्त मानवा.

संदर्भ :
दाते पंचांग
सुलभ ज्योतिष शास्त्र
इंटरनेट