दिनविशेष - ९ ऑगस्ट २०१७

तिथी	श्रावण कृष्ण २ (२४:४३)
वार	बुधवार
नक्षत्र	शततारका (२९:४६)
योग	शोभन (१७:५९)
करण	तैतिल (१२:३८), गरज (२४:४३)

श्रावणी बुधवार

दर बुधवारी बुध-बृहस्पति पूजन करावे.

दग्ध योग

२४:४३ नंतर बुधवारी तृतीया तिथी असल्यामुळे दग्ध योग होत आहे.

तिथी आणि वार यांच्या संयोगाने दग्ध योग होतो. हा सर्व शुभ कार्यास वर्ज आहे. पुढील स्थिती मध्ये हा योग होतो.

रविवार – द्वादशी	सोमवार – एकादशी
मंगळवार – पंचमी	बुधवार - तृतीया
गुरुवार – षष्ठी	शुक्रवार – अष्टमी
शनिवार – नवमी

अगस्ति दर्शन

१५ मे २०१७ ला अस्तंगत झालेला अगस्ति हा तारा उदित होत आहे. अगस्ति ताऱ्याचा समुद्राच्या स्थितीशी संबंध आहे असे आढळून आल्यामुळे त्याचे उदयास्त ज्योतिष ग्रंथात समाविष्ट केले गेले.

द्वितीया श्राद्ध

अपराण्ह काळी द्वितीया तिथी असल्यामुळे, ज्यांची श्राद्ध तिथी श्रावण कृष्ण २ आहे त्यांचे आजच्या दिवशी श्राद्ध करावे.

श्राद्धकृत्यांमध्ये अपराण्ह काळाचे महत्व आहे. श्राध्दतिथि अपराण्हकाळी म्हणजे सामान्यतः दुपारी दीड ते चार ह्या काळात ज्या दिवशी जास्त मानाने असेल त्या दिवशी सकाळी श्राध्दतिथि नसताना सुध्दा सकाळपासून दुपारी तीन वाजेपर्यंत कोणत्याही वेळी श्राध्दकर्म करता येते.

सुर्योदयापासून ३ मुहूर्त प्रत:काळ, त्यानंतर ३ मुहूर्त संगव काळ, त्यानंतर ३ मुहूर्त मध्यान्ह काळ, त्यानंतर ३ मुहूर्त अपराण्ह काळ व नंतरचे ३ मुहूर्त सायंकाळ असतो. अशा रीतीने दिवसाच्या १५ मुहूर्तांचे पाच विभाग केले आहेत. या पैकी सायंकाळ बहुदा सर्व कामांना प्रशस्त नाही. तर श्राद्ध कर्मासाठी अपराण्हकाळ प्रशस्त मानवा.

संदर्भ :
दाते पंचांग
सुलभ ज्योतिष शास्त्र
इंटरनेट