दिनविशेष - १ एप्रिल २०१८

तिथी	चैत्र कृष्ण १ (१७:०५)
वार	रवि
नक्षत्र	चित्रा (२९:५२)
योग	व्याघात (२७:२६)
करण	कौलव (१७:०५), तैतिल (२८:४६)

इष्टि

इष्टि  म्हणजे यज्ञ.

यज्ञ संस्थेतील विविध कामनांच्या पूर्तीसाठी जो विधानात्मक भाग असतो त्यास इष्टि म्हणतात.

ईस्टर डे

इसाई धार्मिक ग्रंथानुसार, येशूना सुळावर लटकविल्याच्या तिसऱ्या दिवशी ते पुनर्जीवित झाले. हाच दिवस इस्टर रविवार म्हणून साजरा केला जातो. हा दिवस गुड फ्रायडे च्या दोन दिवसांनतर (तिसऱ्या दिवशी) येतो.

पारंपारिक रित्या इस्टर काल हा ४० दिवसांचा असतो. इस्टर रविवार पासून ते स्वर्गारोहण दिवसापर्यंतचा हा काळ असतो. मरे आधिकारिकरीत्या हा काळ ५० दिवसांचा मनाला जातो. या काळात उपवास, प्रार्थना आणि प्रायश्चित्त करतात. 

प्रतिपदा श्राद्ध

अपराण्ह काळी प्रतिपदा तिथी असल्यामुळे, ज्यांची श्राद्ध तिथी चैत्र कृष्ण १ आहे त्यांचे आजच्या दिवशी श्राद्ध करावे.

श्राद्धकृत्यांमध्ये अपराण्ह काळाचे महत्व आहे. श्राध्दतिथि अपराण्हकाळी म्हणजे सामान्यतः दुपारी दीड ते चार ह्या काळात ज्या दिवशी जास्त मानाने असेल त्या दिवशी सकाळी श्राध्दतिथि नसताना सुध्दा सकाळपासून दुपारी तीन वाजेपर्यंत कोणत्याही वेळी श्राध्दकर्म करता येते.

सुर्योदयापासून ३ मुहूर्त प्रत:काळ, त्यानंतर ३ मुहूर्त संगव काळ, त्यानंतर ३ मुहूर्त मध्यान्ह काळ, त्यानंतर ३ मुहूर्त अपराण्ह काळ व नंतरचे ३ मुहूर्त सायंकाळ असतो. अशा रीतीने दिवसाच्या १५ मुहूर्तांचे पाच विभाग केले आहेत. या पैकी सायंकाळ बहुदा सर्व कामांना प्रशस्त नाही. तर श्राद्ध कर्मासाठी अपराण्हकाळ प्रशस्त मानवा.

संदर्भ :
दाते पंचांग
सुलभ ज्योतिष शास्त्र
इंटरनेट