दिनविशेष - १२ डिसेंबर – २०१६

तिथी	मार्गशीर्ष शुक्ल १३ (१२:५९)
वार	सोमवार
नक्षत्र	कृत्तिका (२४:३९)
योग	शिव (९:११), सिध्द (२८:५५)
करण	गरज (२३:०८)

अनंगत्रयोदशी

मार्गशीर्ष शुक्ल त्रयोदशीला नदी, तलाव, विहीर या ठिकाणी अगर घरी स्नान करुन अनंग नर्मदेश्‍वर महादेवीची गंधाक्षता, पूष्प, धूपदीप आणि नैवेद्यादी उपचारपूर्वक पूजन करून व्रत करावे. विशेष गोष्ट अशी की, मार्गशीर्षादी महिन्यांत- १ मधू, २ चंदन, ३ न्यग्रोध, ४ बदरिफल, ५ करंज, ६ अर्कपुष्प, ७ जांभूळ, ८ आघाडा, ९ कमलपुष्प, १० पळस, ११ कुब्ज-अपामार्ग आणि १२ कदंब यांचे यथाक्रम पूजन व सेवन (रसप्राशन) करावे. विशेष विधान मूळ ग्रंथात पाहावे. या व्रताने शंकर प्रसन्न होतो.

२) या तिथीपासून एक वर्षभर प्रत्येक त्रयोदशीस अनंगाची (कामाची) निरनिराळ्या नावांनी, फुलांनी आणि नैवेद्यांनी पूजा करतात.

ईद-ए-मिलाद

इस्लाम धर्मियांचा हा एक प्रमुख सण आहे. हजरत मुहम्मद यांचा जन्म दिवस म्हणून हा सण साजरा केला जातो.

घबाड

१२:५९ पर्यंत घबाड योग आहे. हा प्रयाणासाठी शुभ योग आहे.

सूर्य नक्षत्रापासून चंद्र नक्षत्रापर्यंत (दोन्ही धरून) नक्षत्रे मोजावीत. त्याला ३ ने गुणून त्यात शुक्ल प्रतिपदेपासून च्या तिथी मिळवाव्यात व नंतर ७ ने भागावे. बाकी ३ राहिल्यास घबाड असते.

सूर्य नक्षत्र: जेष्ठा

चंद्र नक्षत्र : कृत्तिका

तिथी: शुक्ल १३

सूर्य नक्षत्र ते चंद्र नक्षत्र = १३

१३ x ३ = ३९

यात शुक्ल प्रतिपदेपासूनच्या म्हणजे १३ तिथी मिळवू : ३९ + १३ = ५२

आता ७ ने भागू  ५२ / ७ = ७ ३/७

बाकी ३ म्हणून घबाड.

संदर्भ :
दाते पंचांग
सुलभ ज्योतिष शास्त्र
इंटरनेट