दिनविशेष - १ जानेवारी २०१९

तिथी	मार्गशीर्ष कृष्ण ११ (२५:२९)
वार	मंगळवार
नक्षत्र	स्वाती (८:४४)
योग	धृति (२६:५१)
करण	बव (१३:१९),  बालव (२५:२९)

सफला एकादशी

मार्गशीर्ष कृष्ण एकादशी दिवशी उपवास करावा. भगवंताचे यथाविधी पूजन करावे. ही सफला एकादशी आहे, म्हणून नैवेद्यात नारळ, डाळिंब, पूगफलादी असावे. रात्री जागरण करावे.

इसवी सन  प्रारंभ

इसवी सन २०१९ चा प्रारंभ होत आहे. संपूर्ण जगभरात नवीन वर्षाचे स्वागत उत्साहाने केले जाते.

एकादशी श्राद्ध

अपराण्ह काळी एकादशी तिथी असल्यामुळे, श्राद्धतिथी मार्गशीर्ष कृष्ण ११ असेल तर या दिवशी श्राद्ध करावे.

श्राद्धकृत्यांमध्ये अपराण्ह काळाचे महत्व आहे. श्राध्दतिथि अपराण्हकाळी म्हणजे सामान्यतः दुपारी दीड ते चार ह्या काळात ज्या दिवशी जास्त मानाने असेल त्या दिवशी सकाळी श्राध्दतिथि नसताना सुध्दा सकाळपासून दुपारी तीन वाजेपर्यंत कोणत्याही वेळी श्राध्दकर्म करता येते.

सुर्योदयापासून ३ मुहूर्त प्रत:काळ, त्यानंतर ३ मुहूर्त संगव काळ, त्यानंतर ३ मुहूर्त मध्यान्ह काळ, त्यानंतर ३ मुहूर्त अपराण्ह काळ व नंतरचे ३ मुहूर्त सायंकाळ असतो. अशा रीतीने दिवसाच्या १५ मुहूर्तांचे पाच विभाग केले आहेत. या पैकी सायंकाळ बहुदा सर्व कामांना प्रशस्त नाही. तर श्राद्ध कर्मासाठी अपराण्हकाळ प्रशस्त मानवा.


संदर्भ :
दाते पंचांग
सुलभ ज्योतिष शास्त्र
इंटरनेट