दिनविशेष - ४ फेब्रुवारी २०१६

तिथी	पौष कृष्ण ११ (२५:३१)
वार	गुरुवार
नक्षत्र	जेष्ठा (१९:१८)
योग	व्याघात (२३:१०)
करण	बव (१३:२५)

षट्तिला एकादशी

पौष कृष्ण एकादशी दिवशीला प्रातःस्नान करून 'श्रीकृष्ण' या मंत्राचा ८, २८, १०८, किंवा १००० जप करावा. उपवास करून रात्री जागरण करावे. हवन करावे. परमेश्‍वराचे पूजन करावे व

'सुब्रह्मण्य नमस्तेऽस्तु महापुरुष पूर्वज ।

गृहाणार्घ्यं मया दत्तं लक्ष्म्यासह जगत्पते ॥'

या मंत्राने अर्घ्य द्यावेत. ही ' षट्‌तिला एकादशी आहे. यात तिळाच्या जलाने स्नान, तिळाचे उटणे, तिळाचे हवन, तिळजलप्राशन व तीळ मिसळलेले पाणी दान करावे. तिलमिश्रित मिष्टांन्ने भोजनात वापरावीत. म्हणजे सर्व पापांचा नाश होतो.

तिलदहीव्रत

हे तिथीव्रत आहे. पौष कृष्ण एकादशीला हे व्रत करतात. या दिवशी उपवास करतात. पुष्यनक्षत्राच्या दिवशी गाईचे शेण गोळा करून त्यात तीळ मिसळून त्याच्या गोवर्‍या तयार करतात. मग त्या गोवर्‍यांचे अग्नीत हवन करतात. विष्णू या व्रताची देवता आहे.

फल- सौंदर्य व इच्छित वस्तूची प्राप्ती.

घबाड

१९:१८ नंतर २५:३१ पर्यंत घबाड योग आहे. हा शुभ योग आहे.

सूर्य नक्षत्रापासून चंद्र नक्षत्रापर्यंत (दोन्ही धरून) नक्षत्रे मोजावीत. त्याला ३ ने गुणून त्यात शुक्र प्रतिपदेपासून च्या तिथी मिळवाव्यात व नंतर ७ ने भागावे. बाकी ३ राहिल्यास घबाड असते.

सूर्य नक्षत्र: श्रवण

चंद्र नक्षत्र : मूळ

तिथी: १५ + ११ = २६

सूर्य नक्षत्र ते चंद्र नक्षत्र = २५

२५ x ३ = ७५

यात शुक्ल प्रतिपदेपासूनच्या  म्हणजे २६ तिथी मिळवू : ७५ + २६ = १०१

आता ७ ने भागू  १०१ / ७ = १४ ३/७

बाकी ३ म्हणून घबाड.

संदर्भ :
दाते पंचांग
सुलभ ज्योतिष शास्त्र
इंटरनेट