दिनविशेष - १ मार्च २०१६

तिथी	माघ कृष्ण ७ (१५:५२)
वार	मंगळवार
नक्षत्र	अनुराधा (२६:३७)
योग	हर्षण (३०:५३)
करण	बालव (२८:४१)

कालाष्टमी

प्रत्येक महिन्यातील कृष्ण अष्टमीला कालाष्टमी साजरी केली जाते. या दिवशी शिव पूजन शुभ मानले जाते. शुक्ल पक्षातील अष्टमीला शिव पूजन निषिद्ध मानले जाते.

पूर्वेद्यु: श्राद्ध

धर्मसिंधु नुसार षण्णवती म्हणजे एकूण ९६ श्राद्धे सांगितली आहेत. ती पुढीलप्रमाणे :

अमावास्या	१२
युगादि	४
मन्वादि	१४
संक्रांति	१२
वैधृती	१२
व्यतिपात	१२
महालय	१५
अष्टका	५
अन्वष्टका	५
पूर्वेद्यु	५
एकूण	९६

घृतकंबलदान

हे व्रत माघ महिन्यातील कोणत्याही अष्टमीस वा चतुर्दशीस करतात. पांढर्‍या किंवा काळ्या गाईचे घट्ट तूप शिवलिंगावर माखणे व त्याचे दान देणे.

दानाचा विधी:  

प्रथम संकल्प करून शिवाची पूजा करतात व शिवलिंगावर तूप थापतात. नंतर तीळ, मोहर्‍या, बेलाची पाने या वस्तू देवला वाहतात. शेवटी

'शिवाय नम:'

या मंत्राचा यथाशक्‍ती जप करतात. मग ते माखलेले तूप दान देतात. रात्री जागरण करतात. प्रात:काळी स्नान झाल्यावर पुनश्‍च शंकराची पूजा करून शिवभक्‍तांना भोजन घालतात. स्वत: भोजन करून व्रतसमाप्ती करतात.

फल - दारिद्र्यनाश, सुखोपभोगाची प्राप्ती व शिवलोकाची प्राप्ती.

संदर्भ :
दाते पंचांग
सुलभ ज्योतिष शास्त्र
इंटरनेट