दिनविशेष - १२ मार्च २०१६

तिथी	फाल्गुन शुक्ल ४ (१८:०३)
वार	शनिवार
नक्षत्र	अश्विनी (१३:१५)
योग	ऐंद्र (२१:१६)
करण	वणिज (७:३५), बव (२८:३७)

विनायक चतुर्थी

एक तिथि व्रत. प्रत्येक महिन्यातील शुद्ध चतुर्थीला हे नाव आहे. ही मध्यान्ह काल व्यापिनी घेतात. दोन दिवस ही चतुर्थी असल्यास पहिली घेतात. ही तृतीया युक्त असल्यास अधिक चांगली. या दिवशी गणेशपूजा हा प्रधान विधी असतो. मुख्यत: गाणपत्य संप्रदायाचे अनुयायी हे व्रत करतात. चतुर्थीला संपूर्ण उपवास करून दुसर्‍या दिवशी पारणे करतात.

भद्रा

७:३५ नंतर १८:०३ पर्यंत भद्रा म्हणजेच विष्टि करण आहे. प्रत्येक चांद्रमासात ८ वेळा भद्रा येते. विष्टीला भद्रा, कल्याणी अशी नावे आहेत.  शुभ कार्यासाठी हा काल निंद्य मानला आहे.

अविघ्नकर व्रत

हे एक काम्य व्रत आहे. फाल्गुन शुक्ल चतुर्थीस सुवर्णाच्या गणेश मूर्तीची पूजा, तिलहवन, तिलदान, तिलपदार्थांचे भोजन असा याचा विधी आहे. असे चार महिने प्रत्येक शुक्ल चतुर्थीस करावे. मग मूर्तींचे दान करावे.

फल - विघ्ननाश.

संदर्भ :

दाते पंचांग

सुलभ ज्योतिष शास्त्र

इंटरनेट