दिनविशेष - २२ मार्च २०१६

तिथी	फाल्गुन शुक्ल १४ (१५:१३)
वार	मंगळवार
नक्षत्र	पूर्वाफाल्गुनी (१६:१९)
योग	शूल (७:२४)
करण	विष्टी (२८:२०)

कुर्चव्रत

हे एक काम्य व्रत आहे. फाल्गुन शुक्ल चतुर्दशी दिवशी उपवास, पौर्णिमेला पंचगव्य प्राशन आणि वद्य प्रतिपदेचे हविष्यान्न भोजन असा याचा विधी आहे.

फल - त्या मासातल्या पापचे निराकरण व इंद्राची प्रसन्नता.

सर्वार्तिहरव्रत

हे एक काम्य व्रत आहे.

याचा विधी असा - फाल्गुन शुक्ल चतुर्दशीच्या दिवशी प्रात:स्नानादी नित्यकर्मे आटोपल्यावर

'मम सकलपापतपप्रशमनकामनया ईश्वरप्रीतये सर्वार्तिहरव्रतं करिष्ये'

असा संकल्प करावा. मग कामक्रोधादी विषयांचा व मिथ्या भाषणांदींचा त्याग करून सूर्योदयापासून सुर्यास्तापर्यंत सूर्यसन्मुख राहावे. त्यानंतर पुनश्च स्नान करून विधिवत सूर्यपूजा करावी. रात्री निराहार राहून दुसर्‍या दिवशी उपवास सोडावा.

फल - रोगमुक्ती व पापनाश.

भद्रा

१५:१३ नंतर २८:२० पर्यंत भद्रा म्हणजेच विष्टि करण आहे. प्रत्येक चांद्रमासात ८ वेळा भद्रा येते. विष्टीला भद्रा, कल्याणी अशी नावे आहेत.  शुभ कार्यासाठी हा काल निंद्य मानला आहे.

संदर्भ :
दाते पंचांग
सुलभ ज्योतिष शास्त्र
इंटरनेट