दिनविशेष - १६ ऑक्टोबर २०१५

तिथी	आश्विन शु ३ (१२:०१)
वार	शुक्रवार
नक्षत्र	विशाखा (९:४३)
योग	आयुष्मान (२४:४०)
करण	वणिज (२४:४६)

 

सिंदूरतृतीया

आश्‍विन शु. तृतीयेला चंपातेलामध्ये सिंदूर मिसळून तो देवीच्या केशपाशाच्या मध्यभागी चर्चून आरसा दाखविला असता देवीची पूजा केल्यासारखी होते.

विनायक चतुर्थी / मंदार चतुर्थ

आश्‍विन शु. चतुर्थीला 'मंदार चतुर्थ' असे म्हणतात. या दिवशी पुरुषसूक्‍ताने षोडशोपचारांनी कपर्दिश विनायकच्या भक्‍तिपूर्वक पूजेचे माहात्म्य सांगितले आहे. या दिवशी मंदारवृक्षाखाली बसून मध्यान्हकाळी श्रीगजाननाची पूजा केल्यास इच्छित फल प्राप्त होते.

रथोत्सव चतुर्थी

आश्‍विन शु. चतुर्थीला भगवतीची पूजा करून रात्री जागर करावा. एका सजविलेल्या रथामध्ये तिला बसवून तिची नगरामधून मिरवणूक काढावी. नंतर ती पूर्वस्थानी आणून स्थापावी.

सप्तरात्रोत्सवारंभ

नवरात्र सुरू होण्यापूर्वी अशौच आले व महानवमीपूर्वी अशौच संपत असेल तर त्यानंतर सात, पाच, तीन अथवा एक दिवस जेवढे दिवस मिळतील तेवढे दिवस नवरात्र करावे. अशौचामुळे वर सांगितल्यामुळे कमी दिवसांचे नवरात्र करतात. अशा दिवसांचा उल्लेख सप्तरात्रोत्सवारंभ, पंचरात्रोत्सवारंभ, त्रिरात्रोत्सवारंभ अशा प्रकारे केलेला असतो. अशा दिवशी घटस्थापना करून नवमीपर्यंत नवरात्रीची पूजा करता येते.

भद्रा

२४:४६ नंतर भद्रा म्हणजेच विष्टी करण आहे. प्रत्येक चांद्रमासात ८ वेळा भद्रा येते. विष्टीला भद्रा, कल्याणी अशी नावे आहेत.  शुभ कार्यासाठी हा काल निंद्य मानला आहे.

संदर्भ :

दाते पंचांग

सुलभ ज्योतिष शास्त्र

इंटरनेट