दिनविशेष - १३ जानेवारी २०१६

तिथी	पौष शुक्ल ४ (२४:०५)
वार	बुधवार
नक्षत्र	शततारका (२९:१९)
योग	व्यतीपात (२५:२३)
करण	वणिज (१३:०७)

विनायक चतुर्थी / कामदा चतुर्थी

या चतुर्थीस 'कामदा' असे अभिधान आहे. या दिवशी सर्व देवांनी अनुष्ठाने करून गणेशास प्रसन्न करून घेतले. त्यांच्या मनोकामना परिपूर्ण झाल्या व मदनाला जगात विविध रूपात राहण्यास जागा देऊन रतीला सौभाग्यदान केले. म्हणून या चतुर्थीस ' कामदा' म्हणतात. या दिवशी विघ्नेश्‍वर गणेशाची पूजा, प्रार्थना करुन एका ब्राह्मणास लाडवाचे भोजन व दक्षिणा द्यावी. हे व्रत विधिपूर्वक करण्यास धन-संपत्तीचा अभाव राहत नाही.

सिद्धेश्वर यात्रा

सोलापूर येथील ४ दिवसाची सिद्धेश्वर यात्रा आरंभ होत आहे.

भद्रा

१३:०७ नंतर २४:०५ पर्यंत भद्रा म्हणजेच विष्टी करण आहे. प्रत्येक चांद्रमासात ८ वेळा भद्रा येते. विष्टीला भद्रा, कल्याणी अशी नावे आहेत.  शुभ कार्यासाठी हा काल निंद्य मानला आहे.

संदर्भ :
दाते पंचांग
सुलभ ज्योतिष शास्त्र
इंटरनेट