दिनविशेष - ५ मे २०१६

तिथी	चैत्र कृष्ण १३ (८:२९), चैत्र कृष्ण १४ (२८:४७)
वार	गुरुवार
नक्षत्र	रेवती (१३:१८)
योग	प्रीति (२१:३०)
करण	विष्टि (१८:३९)

शिवरात्रि

कृष्ण चतुर्दशीला शिवरात्रि साजरी करतात. निशीथ काळी (रात्रीचा आठवा मुहूर्त) शिवपूजेचे विशेष महत्व आहे.

पिशाच चतुर्दशी

चैत्र कृष्ण चतुर्दशीला 'पिशाच चतुर्दशी' हे नाव आहे. या दिवशी रात्री शिवाची पूजा करावी. तसेच निकुंभ नावाच्या शिवभक्ताची पूजा करावी. गोठ्यात, नदीत, रस्त्यावर वा मंदिराच्या शिखरावर पिशाचांना बली द्यावा, असा या व्रताचा विधी सांगितला आहे.

फळ- पिशाचबाधा-निवारण.

भद्रा

८:२९ नंतर १८:३९ पर्यंत भद्रा म्हणजेच विष्टि करण आहे. प्रत्येक चांद्रमासात ८ वेळा भद्रा येते. विष्टिला भद्रा, कल्याणी अशी नावे आहेत.  शुभ कार्यासाठी हा काल निंद्य मानला आहे.

क्षय दिन

ज्या तिथीला कोणताही सूर्योदय होत नाही ति क्षय तिथी असते.

लागोपाठच्या दोन सूर्योदयाच्या वेळी एकचतिथी असेल तर तिला तिथी वृद्धी म्हणतात.

क्षय तिथी, वृद्धी तिथी, कृ. १३, कृ १४, अमावास्या व शु. १ या सहा तिथी शुभ कार्यासाठी पूर्णपणे अशुभ सांगितलेल्या आहेत.

संदर्भ :

दाते पंचांग

सुलभ ज्योतिष शास्त्र

इंटरनेट