दिनविशेष - ७ ऑक्टोबर – २०१६

तिथी	आश्विन शुक्ल ६ (१९:४२)
वार	शुक्रवार
नक्षत्र	जेष्ठा (१४:२५)
योग	सौभाग्य (१९:४६)
करण	कौलव (६:४०)

सरस्वती आवाहन

१४:२५ नंतर सरस्वती आवाहन करावे.

आश्‍विन शुक्ल सप्तमीपासून नवमीपर्यंत सरस्वतींचे शयनव्रत करतात. यासाठी सप्तमीला पुस्तकादिकांचे पूजन करून सरस्वतीचे शयन करावे. स्वत: व्रतस्थ राहावे. पठण-पाठण, लेखन आदी गोष्टी बंद ठेवाव्या. सप्तमीपासून दशमीपर्यंत पुस्तकादिकांची पूजा करावी. पूजेसाठी सरस्वतीची सुवर्णाची, पाषाणाची किंवा चित्रयुक्‍त मूर्ती असावी. ती चतुर्भुजा, सर्वालंकारमंडित असावी. तिच्या उजवीकडील दोन हातांत पुस्तक व रुद्राक्षमाला असावी आणि डावीकडील दोन हातांत वीणा व कमंडलू असावा. अशा विराजमान-शोभायमान-मूर्तीचे ध्यान करावे.

बिल्वनिमंत्रण

आश्‍विन शुक्ल षष्ठीला प्रात:स्नानादी नित्यकर्मे झाल्यावर देवीची पूजा करावी आणि ज्येष्ठा नक्षत्र असेल तर त्यांच्या पूजेसाठी बिल्ववृक्षाला निमंत्रण करावे.

घबाड

१४:२५ पर्यंत घबाड योग आहे. हा शुभ योग आहे.

सूर्य नक्षत्रापासून चंद्र नक्षत्रापर्यंत (दोन्ही धरून) नक्षत्रे मोजावीत. त्याला ३ ने गुणून त्यात शुक्ल प्रतिपदेपासून च्या तिथी मिळवाव्यात व नंतर ७ ने भागावे. बाकी ३ राहिल्यास घबाड असते.

सूर्य नक्षत्र: हस्त

चंद्र नक्षत्र : जेष्ठा

तिथी: ६ = २५

सूर्य नक्षत्र ते चंद्र नक्षत्र = ६

६ x ३ = १८

यात शुक्ल प्रतिपदेपासूनच्या म्हणजे ६ तिथी मिळवू : १८ + ६ = २४

आता ७ ने भागू  २४ / ७ = ३ ३/७

बाकी ३ म्हणून घबाड.

संदर्भ :
दाते पंचांग
सुलभ ज्योतिष शास्त्र
इंटरनेट